|
Les Japonais aiment nos crabes ! |
 Une équipe de télévision japonaise est venu demander au Puna Reo de leur parler de la vie du crabe de terre, notre Tupa bien aimé, animal de légende et plat favor !
|
|
|
CLSH du Puna Reo en marche! |
|
(Voir les photos)
Le C.L.S.H ( Centre de Loisirs Sans Hébergement ) a démarré le 5 juillet et se terminera le samedi 24 juillet par une veillée afin de montrer aux parents les aventures de leurs enfants.
Le Puna Reo a pour but de construire des hommes et des femmes fiers de leur culture, de montrer que la culture traditionnelle peut être au coeur de notre vie.
|
|
Tuatiraa...
|
|
|
 Le Puna Reo à eu le grand plaisir de partager lors d'une rencontre avec le groupe de dance ayant représenté Fiji à l'exposition universelle en Chine.
Un beau moment de partage de savoirs et de discussions avec cette troupe formée de membres venus de tout le Pacifique.
(Voir les photos)
|
|
|
Ua fariihia te mau mero o A TAUTURU Iana Moorea e te mau tamarii o te Puna Reo. E farerei-raa mana'o-ore . Tera ra ua oaoa te taato'a raa i taua 'oro'a ra i tupu. Ua farii, ua himene, ua 'apa e ua 'aparau na roto i te reo tahiti. Ua uiui atu te mau tamarii i teie mau ti'a i ni'a i te mau fâ a teie taatiraa. I muri mai ua tâmâ'a amui i te pae tahatai ma te rotahi o te a'au. Mauruuru maita'i! A hi'o noa mai i te mau hoho'a! Voir les photos ) |
|
|
 MAVE MAI... MAVE MAI... KAOHA NUI I TEIE NEI 'Â!... E mea na roto i teie pii, te farii-raa hia te mau taure'are'a e te mau hoa no Ua Pou mai. I te matahiti 2007, na Ua Pou i farii mai i ni'a i te tua o to ratou fenua e i teie mahana, teie mai nei i Moorea nei. Aue te oaoa e te poupou! Aue te mahanahana te farereiraa:ua fariihia, ua haka mai, ua himene mai! Mauruuru maita'i i to tatou rotahi-raa i ni'a i te parau o te Hiro'a tumu!
( Voir les photos ) |
|
|
E oaoa rahi to te Puna Reo Piha'e'ina i te farii-raa i te mau mero no te taatiraa Moeaveau no Rurutu. I muri mai i te tere o te mau tamarii i Rurutu i te matahiti 2008, na to Rurutu ia i tere mai i Moorea nei. Rave rahi mau faanaho-raa i faaineine hia no te mata'ita'i ia Moorea e te mau mea ato'a e tano ia itehia. Ua hau roa i te pae ahuru taata o tei tae mai. Ua riro ia teie hepetoma ei natinatiraa i teie na taatiraa Na te mau hoho'a e arata'i ia tatou. (A hi'o mai) (Voir les photos) |
|
|
 Mauruuru rahi ia oe e Johnny no te taatiraa Lolita! Mauruuru i te haere taa'e-raa mai no te faanahonaho i te huru o te mau matini roro uira! Mauruuru maita'i!
|
|
|
Hiro'a tumu i roto i te fare haapiiraa Tama Hou no Paopao |
|
Ua faanaho te fare haapiiraa Tama Hou no Paopao i te ho'e mahana i ni'a i te tumu parau no te Hiro'a Tumu. Ua amui atu ia te mau rauti o te Puna Reo no te arata'i i te tahi ophipa papû maita'i. Ua apee maita'i te mau tamarii i teie faanahoraa. A hi'o noa mai i te mau hoho'a!
|
|
|
Ua iriti te Te Pû Atiti'a i tana pû i te 31 no atopa 2009. Ua avari-hia ia na roto i te ho'e 'oro'a hanahana maita'i.Rave rahi manihini o tei amui mai. Ua tae ato'a atu ia te mau tamarii o te Puna Reo no te to'a'ati i teie taurua ma te faa'ite i tana mau peu e tana mau hauti ato'a. I muri iho, e maa tahiti o tei faanaho hia! Aue te au e! Voir les photos ) |
|
|
Te mau taviri hoho'a no Aotearoa |
|
Ua tono-hia mai te ho'e pupu taata mai Aotearoa mai no te taviri-raa i te mau tamarii i roto i te arata'iraa ohipa a te Puna reo. Tera ra ho'i, i taua taime ra, tei Makemo ia te mau tamarii i roto i te tumu parau o te farerei-raa i te mau tamarii no Makemo. Ua hina'aro teie mau maori i te tere roa atu. Aita ra i ti'a hia. Na te mau metua ia i farii mai i teie mau manihini. ua faanaho ato'a i te tahi tamâ'araa au maita'i. E e oaoa rahi to teie mau hoa ma te poroi mai e ia tae i te taime a tere atu ai i Aotearoa ia faaara atu ia ia ratou! 'E'ita ia teie poro'i e mo'e-hia!
|
|
|
E oro'a rahi o tei tupu i Afareaitu i ni'a i te tahua John Teariki. Ua tae roa mai o O Tahiti e faatere-hia e Marguerite Lai no te faaite mai i te ori o tana i ta'ita'i atu i nia i te tahua To'ata i te Heiva 2009. Ua na mua hia mai ra te pupu ori Râ Mana arata'i-hia e Rurua Rotui E naho'a rahi o te tae roa mai no te mata'ita'i i teie mau oriraa. E arui nehenehe mau e te manuia maita'i!  |
|
Tuatiraa...
|
|
 Ua faanaho te täàtiraa Puna Reo Pihaèìna i te hoê rururaa tama i Makemo no të faaìte i te mau tama nö te täàtiraa i te oraraa e orahia ra i Makemo. Ua tupu te auhoaraa e te autaeaèraa e te mau tama no Makemo i te roaraa o na hepetoma e toru. Ìnaha, i muri mai i te rururaa i Rurutu, ua faaìtehia i te mau tama no Aimeho i te oraraa ö te tama no Tuamotu. I reira, ua ìte roa te mau tama i te oraraa hau e te faahiahia; àita faahou hoì i Moorea. Mea àuhune te ià, te pahua, te maòa, mea òhi noa mai. Te Paùmutu, àuë i te maitaì ë! Ua haapii te mau rautï no Makemo i te mau tama i të tautai ùpeà i te pae aàu e të tiahi i te ià i roto i te ùpeà. Ua àraàra noa te mata ö te tama e ua òòuà i te òaòa no te manuia hoì o te tautai. Ua tämäà ïa tama: maa ià iti e te îpö, àuë i te au ë! |
|
Tuatiraa...
|
|
|
Te faa-ora-faahou-raa i te marae Pererau |
|
 Te mahana pae 29 no Më 2009, e mahana rahi ïa no tö Pihaèna e tö Puna Reo. Inahan, ua tuu-rima-hia te tahi faa-au-raa e te Oire èi faa-ora-faahou-raa ïa i tö tätou faufaa tumu.
No te mau parau âpï, a pata i nià i teie taò: Pererau ! I nià i te rëni natireva Tahitipresse... I roto i te veà LA DEPECHE... |
|
MAEVA E TE TAVANA NO PIRAE E oaoa rahi to te taatiraa PUNA REO PIHA'E'INA i te farii-raa ia Beatrice VERNAUDON, tavana no Pirae e mero no te Apooraa rahi no Polynesia. E opua-raa maoro nana e inaha ua tae mai nei i Pihaena nei i teie 18 no me 2009.
E tere farerei, hi'ohi'o i te vahi e au ia tape'a mai. Te ti'aturi nei te taatiraa Puna Reo e o Pirae paha te 'oire matamua e rave i teie faanaho-raa. Aue ia i te poupou e inaha ho'i ua pu'e'ahia.
|
|
Tuatiraa...
|
|
|
Tata'u-raa himene NESTAR MOOREA |
|
(Voir les photos)  E naho'a rahi o tei tairuru mai i teie aru'i tata'u-raa himene NESTAR i Afareaitu Moorea.
Na mua a'e e tae atu ai i teie aru'i, ua faatupu hia a'e na te titi'araa i te mau taure'are'a.
I ni'a i te faito 30 taure'a, ua tape'a hia mai 10 nau 'aito. O ratou ia o teie e tata'u ra . E ma'iti hia 1 ana'e! O ona ia te ti'a atu no Moorea i ni'a i te tahua To'ata i te 29 no Atete 2009.
E 'oro'a faahiahia o tei tupu.Ua faito hia 700 manihini o tei tae mai no te paturu i teie faanaho-raa.
Na te mau tamarii o te Puna Reo o tei faa'oto mai i te tahi himene ru'au i ni'a i te parau no Rotui. Ua ori! Ua haka! Ua 'apa!
Opani-hia teie aru'i e Rotui ape'e-hia e tana pupu ori! E taure'are'a reo mau teie , na reira ato'a te mau ori e mea nehenehe mau!
Te taure'are'a i manuia mai o te ho'e ia potii no Maatea. Nana ia e ti'a atu no Aimeho Nui i te rara varu!
|
|
Tuatiraa...
|
|
|
Te Noera a te mau tamarii o te Puna Reo |
|
 I teie hope'a matahiti, ua pa'i'uma atu te mau tamarii i roto i te faa no Opunohu e ua tae roa i te 'aro'a no Vai'anae. I reira, ua tanu atu ratou e piti nau tumu haari haa no te mono atu i tei pohe. I muri iho, ua horohoro! Ua tuotuo! Ua maniania! Ua pa'i'uma i ni'a i te tumu ra'au! Ua hapu i te pape tahe haumaru! Ua pere taponi! Ua haapii i te tahi nau 'a'ai , ra reira ato'a te parau o te mau ra'au tupu. I muri mai, ua pou mai e ua ho'i mai i te pû o te Puna Reo. I te ahiahi, ua tamâ'a amui te mau tamarii e te mau metua ma te mata'ita'i i te hoho'a i tavirihia i Rurutu i roto i te tau faafa'earaa i te 'ava'e tiurai ra . Ua manuia maita'i teie 'oroa mai te po'i'po'i e tae atu i te tuiraa pô. Mauruuru e te mau tamarii no to outou hia'ai papû i te haapii i te mau mea ato'a. (Voir les photos) |
|
|
Te 'oro'a fanauraa o Puea |
|
 E 'oa'oa rahi to te mau tamarii o te Puna Reo i te faahanahanaraa i te 'oro'a fanauraa o Puea. 'Aita roa o Puea i ite noa a'e i te faaineine raa hia teie 'oro'a. O Puea o te ho'e tamahine o tei paari i roto i te ite o tona nau me tua tupuna e tona nau metua! e tamahine 'ana'anatae i te parau o te hiro'a tumu e te papû ho'i i te reo tahiti! Ia 'oa'oa 'oe e Puea! A farii mai i te tapa'o faatauaroha mai roto atu i te mau tamarii e te mau metua no te Puna Reo nei! (A hiò mai i te mau hohoà) |
|
|
Te taiete France 5 i te Puna Reo |
|
 Ua òaòa roa te Puna Reo i te faariiraa ia Christiane Succab-Goldman e tä na pupu taviri hohoà o tei haere mai i te Puna Reo no te täviri i te mau tapura òhipa e faanahohia ra i te mahana mäa atoà.
Te arataìraa òhipa a teie pupu täviri hohoà, o te faanahoraa ïa i te mau hohoà e 52 minüti i te maoro na te taiete France 5 èi haafaufaaraa ïa i te mau fenua Faräni na te ara. E färereiraa maitaì roa teie, ìnaha, ua täuà parau e tö rapae. ( No të mätaìtaì i te mau hohoà ) |
|
|
Ua faahanahana te mau tamarii e te mau metua o te Puna Reo i te oro'a Matarii i ni'a. E hao'a rahi o tei 'amui mai mâ te 'a'au tae. Ua faanaho hia te 'oro'a no te 'AVA e te mau ho'a tatau arata'i hia mai e Taniera. Aue te nehenehe e te hanahana e! Ua ori mai te mau tamarii, ua himene ma te reo oto'oto maita'i, ua ratu a pahu, Ua vevo te orero! I muri mai, ua tuu hi'a te tahi mau faura'o vaa, pa'epa'e i ni'a i te miti. Turama hia e te ho'e mori iti ma te poroi faatauaroha i te mau Atua, te mau tupuna e te 'ati maita'i raa i roto i te aru o te fenua e te heipuni. Opani hia teie 'oro'a na roto i te ho'e amuamuraa maa hotu no te fenua.
Oa'oaraa rahi tei ite hia, mai te mau tamarii , te mau manihini ato'a e te mau mero o te Puna Reo. E farerei â i te matarii i ni'a 2010!
( a hi'o mai i te mau hoho'a ) |
|
|
 I te mahana pae 3 no Atopa 2008, I faarue mai ai o Papa Matarau ia tatou. O te ho'e ho'i teie o te mau Tahua nui o te Ao maohi, ite hia 'oia no ta na mau orero e rave rahi, e metua ato'a hoi i roto i te amuitahira'a no Punareo... Ua afa'i atu o te mau tamarii e te mau t'ia o te Puna Reo i te tamahanahana i te utua fare fetii o papa Matarau. Ua faaotohia te reo himene. Ua faaotihia te ho'e pure iti mahanahana rahi. Na te Atua hau e farii mai ia 'oe e papa i roto i patireia!
|
|
Tuatiraa...
|
|
|
Rururaa tama i Rurutu (Tiurai 2008) |
 I teie nei âvaè Tiurai, ua faatupu te Puna Reo i te hoê rururaa tamarii i Rurutu. Mea ruperupe mau te faariiraa i faanahohia mai e te tāàtiraa Moeàveàu e te nunaa iho no teie fenua. Mea ànaànatae maitaì ratou i te haapiiraa mai i ta ratou mau peu tumu o tei faaputapū roa i teie nei mau tama no Moorea. |
|
Tuatiraa...
|
|
|
Të òaòa nei te Puna Reo i te faariiraa i teie âiü iti ia Mihiau.
Manava e ia ora i to tatou nei farereiraa.
|
|
|
Matahiapo no te fenua Enäna mai |
|
(te mau hohoa)
I muri mai i te faariiraahia te mau matahiapo no Moorea e to te
fenua Enäna mä i te matahiti 2006 ra, ua faarii ïa te Puna Reo i te mau
matahiapo no te fenua Enäna mai.
Aita teie farereiraa no Atopa
matahiti 2007 e moèhia , i te mea ë, ua putapü roa te àau i te mau
òroà e te mau himene faariiraa, te mau farereiraa, te mau
tere-mätaìtaì-raa i te mau täpaò no Moorea, na reira atoà hoì te mau
tämäaraa.
No te faahanahanaraa i teie farereiraa, ua haamauhia te ôfaì tihi e, ua tae tino roa atoà mai te Faaterehau no te Hiroà Tumu.
|
|
 Na te taureàreà ra o Pitore i tarai i te mau tii a te Puna Reo. Eere
a tahi nei o ia a rave i teie faanahoraa, ua poroìhia ta na mau tauihaa
i te ao atoà nei. Na teie mau tii e faahohoà ra i te mau àito o te âià.
Mauruuru rahi i teie taureà iti.
|
|
I te 14 no Tiurai, e faaìte mai o O Tahiti ē i ta na òri i nià i te mahora tuèraa pōpō no Tāravaàihuàraau i Paopao.
Na
te Puna Reo e haapaò mai i te tuhaa mātāmua. Te faufaa e roaa mai, no
te hāmaniraa i te fare haumitiraa a te Puna Reo e no te tere i te
Matavaa o te henua Enāna i te âvaè Tiurai matahiti 2007.
|
|
Tuatiraa...
|
|
|
E rave rahi taata e turu mai nei i te Puna Reo, mai to na ihoā tiàraa mai. Aita e hope te taata ia taiò. Tē haamauruuru atu nei rā matou i te tāâtoàraa. I teie nei ā mahana, ua pūpū mai o Pāpā Gré i te tahi roro uira. Ua fānaò ā ïa te mau tamarii. MAURUURU e MAURUURU ROA. |
|
|
(A hiò mai i te mau hohoà) Te taahiraa i nià i te vauvau one o te fare potee, àita atu ai. Terä mäa iti tahiti i faaineinehia mai e te Puna Reo, e tera maa himene iti, àuë i te au ë! |
|
|
(A mātaìtaì i te hohoà)
Ua faatupuhia te tahi àruì Noera na te mau tamarii e te mau taureà. Ua himenemene, ua àtaàta, ua tāmāa maitaì e ua òri atoà hoì ratou. |
|
Tuatiraa...
|
|
|
Te matahiti 2006, e matahiti ïa no te rēni nati reva |
|
No teie matahiti 2006 i maìri iho nei, tē haamauruuru maitaì nei matou ia Mana o tei horoà mai i te raveà na matou no te fanaò i te nati reva, na reira atoà te rēni www.punareo.pf. Èi nati reva, ihoā no te faaìte atu i to rapae te mau òhipa o ta te mau tamarii i haapii e, no te pāpaìraa atu i te Uì âpī no Patitifa.
Mauruuru e Mana! 
Mauruuru maitaì i te pupu òhipa no Mana, e mau taata maitaì roa. Teie ïa i nià i te hohoà e to matou peretiteni RURUA Lee, o ia e tāpeà ra i te mauihaa i pūpūhia mai no te fānaò i te nati reva.
|
|
(A hio mai te hohoa)  |
|
|
Faaànànataeraa na te mau tamarii |
|
(Voir les photos)  Mai te 18 e tae mai i te 22 no Tetepa matahiti 2006, ua faanaho mai te mau rautī o te Puna Reo i te tahi mau faaànànataeraa na te mau tamarii.
Ua haapaòhia mai te tahi mau faanahoraa i te pae o to tatou hiroà tumu. Ìnaha, ua àpa mai te mau tamaroa, ua òri te mau tamahine, ua haapaò mai i te rohipehe e, ua pātaùtaù mai. |
|
Tuatiraa...
|
|
|
Te tāmāaraa na te Mono-Peretiteni o te Fenua Māòhi nei |
(A hio mai te hohoa) Ua tere mai te Mono-Peretiteni o te Fenua nei, o Jacqui Tiàmatahi Drollet tāne i te Puna Reo nei e, ua ìtehia i nià i to na hohoà mata ē, ua au maitaì o ia i ta tatou nei pū, na reira atoà hoì te māa tahiti i faaineinehia na na e to na mau taata âpee mai ia Dany Panero, ia Marie-Laure Vanizette, ia Marc Fremy e te feiā atoà i tae mai. |
|
Tuatiraa...
|
|
(A hio mai te hohoa)
 Ua 18 matahiti to Hoonui, o ia te tamarii rahi roa aè i te Puna Reo
nei. Ua faahanahana-maite-hia ïa te reira na roto i te faatupuraahia to
na òroà mahana fanauraa. E rave rahi o to na mau hoa tei tae mai no
teie òroà iti au maitaì.
Manuia Hoonui!
|
|
|
TANGAROA, TE PAÈPAÈ TŪPĀPAÙ |
(A hi'o mai i te mau hoho'a)
 Ua faanaho mai te Puna Reo i te hoê faariiraa māòhi na te mau ìhitai o Tangaroa o tei fano mai i te Fenua Māòhi nei mai te fenua Pērū mai. Auē te àau i te òaòa ē, a tià noa atu rā ē, àita te mau ìhitai i tae tino roa mai. |
|
Tuatiraa...
|
|
|
(A hi'o mai i te mau hoho'a)
Ua noho mai e tootoru nau taata tāviri hohoà i te Puna Reo. Ua haere mai ratou e tāviri i te mau hohoà no ta ratou haapurororaa PACIFIC WAYS. E faanahoraa teie na te CPS (Commission du Pacifique Sud). Ua noho mai teie mau hoa i te Puna reo, e ua farerei i te nunaa o teie mataèinaa iti no Pihaèna. Ua ora i roto i te faanahoraa māòhi e ua taviri atu ratou i te tahi mau hohoà nehenehe maitaì. Ua tere atoà ratou e hiò e taviri i te mau tāpaò e vai neie o tei riro ei niu no te mau àài e faatiàhia nei i te mau tamarii. I roto i teie nau puè mahana i nohohia mai e Matelita, o Aren e o Willy no te fenua Fītī, ua tupu roa te here taeaè e te uhoaraa i te mea ē, e feiā faatura mau e te maitaì. No reira, ia hoì noa mai teie mau hoa e faarii poupou ā ïa te Puna reo ia ratou. |
|
Tuatiraa...
|
|
